नोकरी लावण्याचे आमिष दाखवून तरुणांची फसवणूक | Sakal
sakal

बोलून बातमी शोधा

नोकरी लावण्याचे आमिष दाखवून तरुणांची फसवणूक
नोकरी लावण्याचे आमिष दाखवून तरुणांची फसवणूक

नोकरी लावण्याचे आमिष दाखवून तरुणांची फसवणूक

sakal_logo
By

नोकरीच्या आमिषाने
तरुणांची फसवणूक
पिंपरी, ता. ६ : आर्मीमध्ये बॉर्डर रोडस ऑर्गनायझेशन (जीआरईएफ) मध्ये व्हेईकल मेकॅनिक या पदावर नोकरी लावण्याचे आमिष दाखवून तिघांनी दोन तरुणांकडून पैसे रुपये घेऊन त्यांची फसवणूक केली. याप्रकरणी सांगवी पोलिसांनी तिघांना अटक केली आहे.

सतीश कुंडलिक डहाणे (वय ४०, रा. औंध मिलिटरी कॅम्प, पुणे), श्रीराम बनाजी कदम, अक्षय देवलाल वानखेडे (रा. तेल्हारा, जि. अकोला) अशी अटक केलेल्या आरोपींची नावे आहेत. या प्रकरणी गजानन पुरुषोत्तम मिसाळ (वय २३, रा. भातकुली, जि. अमरावती) यांनी सांगवी पोलिस ठाण्यात फिर्याद दिली आहे. फिर्यादी हे अमरावती येथे एसटी महामंडळात मोटार मेकॅनिक पदावर अ‍ॅप्रेंटीसशिप करीत आहेत. फिर्यादी व त्यांचे मित्र धनंजय वट्टमवार (वय २१) यांना आरोपी अक्षय याने बॉर्डर रोडस ऑर्गनायझेशन (जीआरईएफ) या आर्मीच्या भरतीमध्ये व्हेईकल मेकॅनिक या पदावर नोकरीस लावण्याचे आमिष दाखवले. हे काम डहाणे याच्या सांगण्यावरून करीत असल्याचे अक्षय याने सांगितले.
त्यानंतर, फिर्यादी व त्यांच्या मित्राकडून ७० हजार रुपये घेतले. दरम्यान, ४ जानेवारी २०२२ ला फिर्यादी व त्यांचे मित्र धनंजय, नीलेश ईश्वर निकम (वय २३, रा. मु. पो. आगार खुर्द, ता. मालेगाव, जि. नाशिक), अक्षय बाळू सांळुखे (वय २५, रा. खेडगाव, ता. चाळीसगाव, जि. जळगाव) हे रक्षक चौक औंध मिलिटरी कॅम्पच्या समोर भरतीसाठी आले. याची माहिती मिळताच मिलिटरी इंटेलिजन्स, पुणे यांनी फिर्यादी, त्यांचे मित्र तसेच आरोपींना ताब्यात घेतले. त्यांना सांगवी पोलिस ठाण्यात हजर केले. त्यानंतर सांगवी पोलिसांनी आरोपींकडून आर्मी भरतीसाठी लागणारी कागदपत्रे, रोख रक्कम, संगणक, पेन ड्राईव्ह, दुसऱ्याच्या नावे असलेले दोन रबरी शिक्के, मिलिटरीचे स्वतःचे बनावट ओळखपत्र, वेगवेगळी बनावट एनव्हलप, कमांडट ग्रेफ सेंटर यांचे अकनॉलेज कार्ड, ''बीआरओ''चे भरतीचे अ‍ॅडव्र्हटाईज नंबरचे उमेदवारांचे भरलेले फॉर्म आदी कागदपत्रे तसेच उमेदवांराची शैक्षणिक पात्रतेची झेरॉक्स प्रमाणपत्र, आधार कार्ड, पॅनकार्ड व आटीलरी नाशिक रोड कॅम्प यांचे अ‍ॅप्लीकेशन फॉर्म जप्त केले.
------------------------

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top