हिंजवडीत वाहतूक नियमांचे उल्लंघन करणाऱ्यांवर कारवाई | Sakal
sakal

बोलून बातमी शोधा

Traffic
हिंजवडीत वाहतूक नियमांचे उल्लंघन करणाऱ्यांवर कारवाई

हिंजवडीत वाहतूक नियमांचे उल्लंघन करणाऱ्यांवर कारवाई

पिंपरी : वाहतूक नियमांचे उल्लंघन करून बेशिस्तीने वाहन चालविणाऱ्यांवर हिंजवडी वाहतूक विभागाने धडक कारवाई केली. या अंतर्गत एक हजार ५८८ वाहन चालकांकडून तब्बल नऊ लाख ४४ हजार ४०० रुपयांचा दंड वसूल करण्यात आला. हिंजवडी वाहतूक विभागाच्या हद्दीतील भुजबळ चौक, इंडियन ऑइल, शिवाजी चौक, विप्रो फेज -१, जॉमेट्रिक सर्कल, टाटा टी जंक्शन, विप्रो सर्कल -२, राधा चौक, बालेवाडी स्टेडियम या ठिकाणी पथक नेमून बुधवारी (ता. १२) कारवाई करण्यात आली.(Action against violators of traffic rules in Hinjewadi)

हेही वाचा: भारत-पाकिस्तान फाळणीत झाली ताटातूट, तब्बल 74 वर्षांनंतर भेट!

यासाठी ८३ कर्मचारी, २१ ट्रॅफिक वॉर्डन व नऊ जलद प्रतिसाद पथक तैनात केले होते. ट्रिपल सीट वाहन चालविणे, काळ्या काचा वापरणे, वाहन चालविताना मोबाईलवर बोलणे, वाहनाला साइड आरसा नसणे, विना परवाना वाहन चालविणे, सायलेन्सरमध्ये बदल करणे, विना हेल्मेट, पोलिस सूचनांचे पालन न करणे अशा प्रकारे वाहतूक नियमांचे उल्लंघन करणाऱ्या ८४४ वाहनांवर कारवाईचा बडगा उगारण्यात आला . त्यांच्याकडून पाच लाख ८१ हजार ७०० रुपयांचा दंड वसूल करण्यात आला. तसेच ज्या चालकांना ऑनलाइन पद्धतीने आकारलेला दंड भरला नाही, अशा ७१४ चालकांकडून तीन लाख ६२ हजार ७०० रुपयांचा दंड वसूल करण्यात आला.(Pune Traffic news)

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top