Khadakwasala Dam Water
Khadakwasala Dam Watersakal

Pavana Dam : पवना धरणातील पाणीसाठा चिंताजनक

तुरळक पडणाऱ्या पावसामुळे पवना धरण क्षेत्रातील पाणी साठ्यावर त्याचा परिणाम झाल्याचे दिसते.

ऊर्से - यावर्षी पावसाचे आगमन उशिरा झाले. तसेच तुरळक पडणाऱ्या पावसामुळे पवना धरण क्षेत्रातील पाणी साठ्यावर त्याचा परिणाम झाल्याचे दिसते. यावर्षी पवना धरणात केवळ ३५ टक्के पाणीसाठा उपलब्ध आहे.

मागील वर्षी धरणातील पाणीसाठा ६५ टक्के इतका होता. तर यावर्षी फक्त ३५ टक्के इतका पाणी पुरवठा जमा झाला आहे. मागील वर्षीच्या तुलनेत जवळपास यंदा ३० टक्के पाणीसाठा कमी आहे. ही मावळ व पिंपरी-चिंचवड मधील रहिवाशांसाठी चिंताजनक बाब आहे.

सध्या पडणारा रिमझिम पाऊस शेतीच्या कामासाठी व पिकासाठी महत्त्वाचा ठरत असला तरी पिण्याच्या पाण्यासाठी मोठ्या पावसाची अद्याप प्रतीक्षाच करावी लागत आहे. गेली चार पाच दिवसापासून पुन्हा जोरदार पावसाला सुरुवात झाली आहे. त्यामुळे आता धरणातील पाणीसाठ्यात वाढ होण्याची शक्यता व्यक्त केली जात आहे.

‘पवना धरण क्षेत्रात सध्या असलेला पाणीसाठा हा मागील वर्षीच्या तुलनेमध्ये ३० टक्के कमी आहे. ही चिंताजनक बाब असून जुलै, ऑगस्ट महिन्यामध्ये भरून निघणे महत्वाचे ठरणार आहे.’

- समीर मोरे, शाखा अभियंता पवना धरण

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com