व्यसनमुक्ती केंद्रात रक्षाबंधन उत्साहात

उर्से, ता. ९ : स्माइल व्यसनमुक्ती केंद्र व रोटरी क्लब ऑफ गोल्डन तळेगाव दाभाडे यांच्या संयुक्त विद्यमाने व्यसनमुक्ती केंद्रात रक्षाबंधनाचा कार्यक्रम उत्साहात पार पडला.
क्लबच्या महिला सदस्य आणि नवजीवन संस्था तळेगाव येथील विद्यार्थिनींनी रुग्णमित्रांना राख्या बांधल्या. प्रत्येक राखीमध्ये झाडाचे बीज होते, ते परिसरात रुजवून रक्षाबंधनाच्या आठवणी झाडाच्या रूपाने बहराव्यात असा याचा उद्देश होता. कार्यक्रमाला क्लबचे अध्यक्ष संतोष परदेशी, प्रशांत ताये, सुजाता देशमुख उपस्थित होते. प्रास्ताविक सुजाता देव यांनी केले. केंद्राचे संस्थापक हर्षल पंडित यांनी स्माइल विषयी माहिती दिली तर दीपक फल्ले यांनी मनोगत व्यक्त केले. प्रदीप टेकवडे यांनी आभार मानले. कार्यक्रमासाठी स्माइलचे राहुल बोरुडे, रोहन यादव, प्रकाश धिडे, अनिल सावंत आदींचे सहकार्य लाभले.