ऊर्से येथील शाळेत कर्करोगविषयक शिबिर

ऊर्से, ता. १४ : किर्लोस्कर इन्स्टिट्यूट (धामणे) व टिजीएच ऑन्को लाइफ कॅन्सर सेंटर जनरल हॉस्पिटल (तळेगाव दाभाडे) यांच्या संयुक्त विद्यमाने उर्से येथील श्री पद्मावती विद्यामंदिर शाळेत कर्करोग प्रतिबंधक जनजागृती शिबिर झाले. यात इयत्ता नववी ते बारावीच्या विद्यार्थिनी आणि महिला पालकांना चित्रफितीद्वारे मार्गदर्शन करण्यात आले. कर्करोग कशामुळे होतो, त्याची लक्षणे आणि घ्यावयाची काळजी याबद्दल सविस्तर माहिती देण्यात आली. यावेळी विद्यार्थिनी आणि २८ महिला पालकांची तपासणीही करण्यात आली.
यावेळी किर्लोस्कर इन्स्टिट्यूटच्या इरा सूध, डॉ. रितेशकुमार वर्मा, स्मिता अगेर, राकेश चौधरी, डॉ. सिमरन थोरात, समुपदेशक आणि शिबिर समन्वयक एकता महाडीक, परिचारिका श्रद्धा काटोळे, वंदना नाईक, आतिश भागवत आदि उपस्थित होते. हा उपक्रम आयोजित केल्याबद्दल मुख्याध्यापक केशव शेवकर यांनी संयोजक संस्थांचे आभार मानले.
--------