भारतीय बौद्ध महासभेच्या बोपखेल शाखेचे उद्‍घाटन

भोसरी, ता. ५ ः भारतीय बौद्ध महासभा इ प्रभाग अंतर्गत बोपखेलमधील लुंबिनी बुद्धविहारात नवीन शाखेचे उद्‍घाटन करण्यात आले. शाखा अध्यक्षपदी विशाल टाकळकर यांची निवड झाली.
भारतीय बौद्ध महासभेच्या शाखेचे उद्‍घाटन महासभेचे पिंपरी चिंचवड शहराध्यक्ष रमाकांत कांबळे, सचिव डी. व्ही. सुरवसे, कार्याध्यक्ष रामचंद्र अचलकर यांच्या हस्ते झाले. कार्यक्रमाच्या अध्यक्षस्थानी अशोक सरतापे होते. सचिन समुंद्रे (कोशाध्यक्ष), विनिल टाकणखार (सचिव), गणेश गायकवाड (उपाध्यक्ष), प्रवीण माने, नितीन धिवार आदींची निवड करण्यात आली. यावेळी महासभेच्या इ प्रभागाचे खजिनदार अॅड. अजय डोळस, अॅड. विनोद काळे, संतोष मोरे, अरुण गायकवाड, गोरखनाथ वाघमारे आदींच्या हस्ते नवीन पदाधिकाऱ्यांना धम्म ध्वज देण्यात आला. संतोष उजगरे, राहुल गायकवाड, अरुण सरोदे, विजय साखरे, ललसा क्षीरसागर, रंजना कांबळे, सहदेव तापकिरे, शाम जोगदंड आदींनी कार्यक्रमासाठी परिश्रम घेतले. प्रवीण पुणेकर यांनी सूत्रसंचालन केले. प्रवीण गडलिंग यांनी आभार मानले.