उघड्या विद्युत रोहित्रांना झाकणे बसविण्यास सुरवात

भोसरी, ता. २४ ः भोसरी, इंद्रायणीनगर, दिघी, धावडेवस्ती परिसरातील काही ठिकाणी विद्युत रोहित्रांची (डीपी बॉक्स) झाकणे गायब झाल्यामुळे धोका निर्माण झाला होता. या विषयाची बातमी ‘सकाळ’मध्ये प्रसिद्ध झाल्यानंतर महावितरणच्या भोसरी विभागाकडून झाकणे बसविण्यास सुरवात झाली. काही नादुरुस्त डीपीही बदलण्यात आले. याबद्दल नागरिकांमधून समाधान व्यक्त होत आहे.
या परिसरात काही ठिकाणी रस्त्याच्या कडेला असलेल्या विद्युत डीपी बॉक्सची झाकणे गायब झाली होती. काही डीपी बॉक्स पूर्णपणे मोडकळीस आले होते. त्यामुळे या रस्त्याने ये-जा करणाऱ्या लहान मुलांसह भटक्या जनावरांच्याही जीवितालाही धोका निर्माण झाला होता. याबाबत ‘सकाळ’ने ‘उघड्या डीपी बॉक्सने अपघाताला निमंत्रण’ या शीर्षकाखाली बातमी प्रसिद्ध केली होती. याची दखल महावितरणच्या भोसरी विभागातील कर्मचाऱ्यांनी घेतली. त्यामुळे नागरिकांनी ‘सकाळ’चे आभार मानले आहेत.
---