भोसरी, दिघी, इंद्रायणीनगर परिसरात संविधान दिन उत्साहात

भोसरी, दिघी, इंद्रायणीनगर परिसरात संविधान दिन उत्साहात

भोसरी, ता. २७ ः भारतीय संविधान दिन भोसरी, दिघी, इंद्रायणीनगर परिसरात विविध कार्यक्रमांनी साजरा करण्यात आला.

राजमाता जिजाऊ शिक्षण प्रसारक मंडळ
भोसरीतील लांडेवाडीतील राजमाता जिजाऊ शिक्षण प्रसारक मंडळाच्या कला, वाणिज्य व विज्ञान महाविद्यालयात प्रा. किरण चव्हाण, प्रा. सूरज कोकणी यांचे व्याख्यान झाले. या वेळी प्राचार्य डॉ. के. जी. कानडे, अश्विनी भोसले, डॉ. नेहा बोरसे, प्रा. दीपाली वाघुळदे, डॉ. श्रेया दाणी आदींसह विद्यार्थी, पालक उपस्थित होते. प्रा. गोविंदा बैसाणे यांनी संविधानाच्या उद्देशिकेचे वाचन केले. डॉ. प्रा .दीपाली वाघुळदे यांनी सूत्रसंचालन केले.

पंचशील बुद्ध विहार
दिघीतील पंचशील बुद्ध विहारात सुखदेव बागुल, हरी खरात, लता गायकवाड, वंदना सूर्यवंशी, उज्ज्वला पट्टेबहादूर, प्रतिभा दोरकर आदींनी संविधानाविषयी माहिती सांगितली. या वेळी पांडुरंग ताजने, महेश वाघमारे, तेजराव डोंगरे, अरुण कांबळे, मिलिंद गायकवाड आदी उपस्थित होते. उपस्थितांना मिठाई वाटण्यात आली. समाधान कांबळे यांनी सूत्रसंचालन केले. तर, आभार संदीप सोनवणे यांनी मानले.

प्रीतम प्रकाश महाविद्यालय
इंद्रायणीनगरातील प्रीतम प्रकाश महाविद्यालयामध्ये आयोजित केलेल्या कार्यक्रमात व्याख्याते प्रा. डॉ. दीपक पावडे यांचे व्याख्यान झाले. कार्यक्रमाच्या अध्यक्षस्थानी प्राचार्य सदाशिव कांबळे होते. या वेळी डॉ. हनुमंत शिंदे, प्रा. विभा ब्राह्मणकर, डॉ. विजय निकम, डॉ. स्वाती वाघ, प्रा. उमेश लांडगे, प्रा. प्रशांत रोकडे आदी उपस्थित होते.

धम्मचक्र बुद्ध विहार
शाहूनगरातील नालंदा फाउंडेशन चिंचवड संचालित धम्मचक्र बुद्ध विहारात एस. एल. वानखेडे यांचे व्याख्यान झाले. थायलंडमधील भन्तेजी शिवली अभिसारो यांची प्रेरणादायी धम्मदेसना झाली. विहाराचे अध्यक्ष सुरेश कसबे, सखाराम इंगवले, वैभव कसबे, गणवीर गुरुजी, अवि कांबळे, रामदास इंगळे, गजानन खराटे, राहुल गोरे, राजेंद्र वाघमारे, दीपक ढेरे, साहेबराव सोनकांबळे, प्रकाश जोगदंड आदी उपस्थित होते. महिला मंडळाद्वारे दीपप्रज्वलन करून प्रास्ताविकेचे सामूहिक वाचन झाले. लहान मुलांनी ‘संविधानाची मूलभूत तत्त्वे’ यावर आधारित नाटिका सादर केली. वैशाली दामोदरे यांनी सूत्रसंचालन केले. सखाराम इंगवले यांनी आभार मानले.

भारतीय बौद्ध महासभा
भारतीय बौद्ध महासभा, समता सैनिक दल, विश्व रत्न बुद्ध विहार मिलिंदनगर, तक्षशीला बुद्ध विहार, बौद्धनगर आदींनी आयोजित कार्यक्रमात स्नेहल बाळकृष्ण शुभांगी यांचे व्याख्यान झाले. कार्यक्रमाच्या अध्यक्षस्थानी अरुणा रणदिवे होत्या. या वेळी प्रशांत नाटेकर, मच्छिंद्र कदम, संतोष वाघमारे, चंद्रकांत खोचरे आदी उपस्थित होते. संविधानाच्या प्रास्ताविकेचे वाचन तन्वी दळवी, प्रज्ञा गावंडे यांनी केले.