शाहूनगरला वृक्षारोपण कार्यक्रम

चिंचवड, ता.२२ ः जागतिक पर्यावरण महिन्या निमित्त शिवशंभो फाउंडेशनच्यावतीने शाहूनगर येथील श्री विठ्ठल-रूक्मिणी मंदिर परिसरात रविवारी भागवत एकादशीच्या मुहूर्तावर वृक्षारोपण कार्यक्रम पार पडला. यावेळी तुळशीच्या अकरा रोपांचे विधिवत पूजन करण्यात आले. शिवपूजेसाठी आवश्यक असलेल्या विविध प्रकारच्या १०१ फुलझाडांचे रोपण करण्यात आले. फाउंडेशनचे संस्थापक केशव घोळवे, अध्यक्ष संजय तोरखडे, सचिव राजेश हजारे, खजिनदार काळुराम साकोरे, दत्ता भुसे, विकास शेवाळे, संजय देशमुख, विद्याधर राणे, हणमंत जाधव आदी उपस्थित होते.