‘रोटरी’चे पदग्रहण उत्साहात

चिंचवड, ता.२३ ः रोटरी क्लब ऑफ वाल्हेकरवाडीचा नववा पदग्रहण समारंभ नुकताच उत्साहात पार पडला. वर्ष २०२५-२६ साठी नवनिर्वाचित अध्यक्ष भरत चव्हाण व सचिव वसंत ढवळे यांनी संचालक मंडळासह आपापल्या पदांची धुरा अधिकृतपणे स्वीकारली. या कार्यक्रमास रोटरी इंटरनॅशनल डिस्ट्रिक्ट ३१३१ चे नामनिर्देशित गव्हर्नर चारु श्रोत्री, रविकिरण केसकर, जलमित्र सतीश खाडे आदी उपस्थित होते. मावळते अध्यक्ष गोविंद जगदाळे व सचिव सुभाष वाल्हेकर यांनी आपली जबाबदारी सुपूर्द करत क्लबच्या वाटचालीस शुभेच्छा दिल्या. रेश्मा बोरा, जयश्री भामरे यांनी सूत्रसंचालन केले; तर रामेश्वर पवार यांनी आभार मानले.