प्रेमलोक पार्क येथील जेष्ठांना आरोग्य विषयक मार्गदर्शन

चिंचवड, ता.३० ः प्रेमलोक पार्क येथील ज्येष्ठ नागरिक संघाची मासिक सभा नुकतीच उत्साहात झाली. यावेळी हॅपी हेल्थ कम्युनिटीतर्फे ‘आरोग्यसूत्र’ हे आरोग्यविषयक उपक्रम पार पडले. आरोग्य सल्लागार ज्योती खानेकर यांनी दैनंदिन आहाराचे महत्त्व, धकाधकीच्या जीवनशैलीमधील आहारातील बदल, स्थूलतेचे परिणाम तसेच नैसर्गिक उपाय यावर मार्गदर्शन केले. ‘नाश्ता बदला, जीवन बदला’ हे ब्रीदवाक्य उपस्थितांच्या विशेष लक्षात राहिले. अनेकांनी या उपक्रमातून झालेले सकारात्मक अनुभव सांगितले. यानंतर सर्व ज्येष्ठ नागरिकांचा वाढदिवसानिमित्त सत्कार करण्यात आला. कार्यक्रमाला अध्यक्ष उत्तम चौरे, हिंदुराव जाधव, अशोक काटकर, नाना जोगळेकर, दिलीप कांबळी, मिता चौगुले, माधुरी नवांगुळ, मुकुंद गणोरकर, दत्तात्रेय सुपेकर आदी मान्यवर उपस्थित होते. सूत्रसंचालन दत्तात्रेय सुपेकर यांनी केले.