चिंचवडमध्ये ग्रंथदिंडी उत्साहात

चिंचवड, ता.९ ः तानाजीनगर येथील श्री गजानन महाराज सत्संग मंडळाच्यावतीने श्री गजानन मंदिरात महर्षी वाल्मिकीकृत श्री रामायण एक चिंतन या प्रवचनमालेचा भक्तिमय वातावरणात ग्रंथदिंडीने समारोप करण्यात आला.
श्री संत सेवा संघाच्या संस्थापिका ज्ञानेश्वरी गोडबोले यांच्या सुमधुर वाणीतून श्री रामायणातील विविध प्रसंग, पौराणिक कथा, सातत्याचे महत्व, गंगा नदीचा इतिहास आणि श्रीरामांचे वंशज यांचे वर्णन भाविकांनी भक्तिपूर्वक श्रवण केले.
गोडबोले यांचा आणि त्यांच्या सहकाऱ्यांचा श्री गजानन महाराजांच्या प्रसादाने सन्मान करण्यात आला. यावेळी मंडळाचे अध्यक्ष विश्वनाथ धनवे, सचिव प्रताप भगत, उपाध्यक्ष किशोर कदम तसेच इतरही विश्वस्त उपस्थित होते.
श्रींच्या मंदिरात ग्रंथपूजनानंतर टाळ मृदंगाच्या गजरात ग्रंथदिंडी काढण्यात आली. त्यामध्ये भाविकांनी सहभाग घेतला.
CWD25A01755