मंगला डोळे-सपकाळे यांना आदर्श शिक्षिका पुरस्कार

चिंचवड, ता. १२ : लायन्स क्लब ऑफ पिंपरी चिंचवडतर्फे शिक्षक दिनानिमित्त मंगला डोळे-सपकाळे यांना ‘आदर्श शिक्षिका पुरस्कार’ प्रदान करण्यात आला.
कार्यक्रमाच्या अध्यक्षस्थानी लायन्स क्लबचे अध्यक्ष रवींद्र काळे होते. तर, अनिल गालिंदे, गजानन चिंचवडे, वुई टुगेदर अध्यक्ष मधुकर बच्चे, सोनाली मन्हास, जयंत कुलकर्णी, दिलीप चक्रे, पुरुषोत्तम डबीर, मोहन लोंढे, वासंती काळे आदी उपस्थित होते.
पुरस्कार स्वीकारताना मंगला डोळे यांनी आपल्या शैक्षणिक प्रवासातील संघर्षमय वाटचाल उलगडली. ‘‘मामांनी दिलेल्या संस्कारित आधारामुळे समाजकार्य व निःस्वार्थी सेवाभाव जपता आला,’’ असे त्या म्हणाल्या. अनेक विद्यार्थ्यांना उच्च शिक्षणाची संधी देऊन स्वावलंबी घडविण्यात योगदान दिल्याचा उल्लेख त्यांनी केला. या कार्यक्रमाला सलीम सय्यद यांनी सूत्रसंचालन केले.