उंच चेंबरमुळे अपघाताचा धोका

चिंचवड, ता.२५ ः बिजलीनगर ते चिंचवडगाव या मुख्य रस्त्यावरील रस्टन कॉलनी समोरील बसथांब्याजवळ उंच व धोकादायक अवस्थेत चेंबर बसवलेले आहे. त्यामुळे अपघाताचा धोका निर्माण झाला आहे.
रस्त्याच्या समांतर पातळीपेक्षा जास्त उंचीवर चेंबर बसवले असल्याने पादचाऱ्यांना चालताना पायाला ठेच लागून पडण्याची शक्यता निर्माण झाली आहे. बसथांब्यावर बसची वाट पाहणाऱ्या प्रवाशांनाही या चेंबरमुळे अडचणींना सामोरे जावे लागत आहे. तसेच, रात्रीच्या वेळी दुचाकीस्वारांना हे चेंबर नजरेस न आल्याने गाडीचा तोल जाऊन अपघात होण्याची शक्यता वाढली आहे. त्यामुळे संबंधित विभागाने हे चेंबर रस्त्याच्या पातळीशी समांतर बसवावे, अशी मागणी कॉलनीतील नागरिकांनी केली आहे.