आम्हाला व्यवसायासाठी जागा द्या
देहू, ता. १० : हातगाडी, फळे, भाजीपाला विक्रेत्यांना व्यवसाय करण्यासाठी प्रशासनाने जागा उपलब्ध करुन द्यावी, यासाठी देहू नगरपंचायत कार्यालयावर गुरुवारी (ता. ९) मोर्चा काढण्यात आला. मुख्याधिकारी चेतन कोंडे यांच्या आश्वासनानंतर आंदोलन स्थगित करण्यात आले.
येथील मुख्य कमान ते जुनी ग्रामपंचायत कार्यालय आणि मुख्य कमान ते १४ टाळकरी कमान असलेल्या मुख्य रस्त्यालगत फळे, भाजीपाला, पूजेचे साहित्य विक्रते यांना दुकाने, हातगाड्या लावण्यास नगरपंचायतीने बंदी घातली आहे. देहू मुख्य कमान आणि १४ टाळकरी चौकापासून ५० मीटर पर्यंत फेरीविक्रीमुक्त करण्याचा निर्णय देहूनगर पंचायतीने घेतला आहे. या निर्णयाची अंमलबजावणी सुरू केली आहे. या पार्श्वभूमीवर हातगाडी विक्रेत्यांनी देहू नगरपंचायत कार्यालयात मुख्याधिकारी यांची भेट घेतली. तसेच ‘कायमस्वरुपी जागा उपलब्ध होत नाही, तो पर्यंत या फेरीविक्रेत्यांना मराठी शाळेसमोर व प्राथमिक आरोग्य केंद्राच्या बाजूला व्यवसाय करू द्यावा’, अशी मागणी व्यापाऱ्यांनी केली. शिवसेना-उद्धव बाळासाहेब ठाकरे पक्षाच्या पदाधिकाऱ्यांनी मुख्याधिकारी चेतन कोंडे यांच्याशी चर्चा केली.
मरिआई मंदिरासमोरील व लगतच्या जागेत साफसफाई करून, मुरूम टाकून प्रत्येकास आठ बाय आठची जागा येत्या दोन दिवसांत दिली जाईल.
- चेतन कोंडे, मुख्याधिकारी, देहू नगरपंचायत
DUH25B01174
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.