खो खो क्रीडा स्पर्धेत प्रगती शाळेस दुहेरी मुकुट

इंदोरी, ता. ९ ः क्रीडा युवक सेवा संचालनालय, पुणे जिल्हा क्रीडा परिषद यांचे वतीने घेण्यात आलेल्या मावळ तालुका खो-खो स्पर्धेत इंदोरीच्या प्रगती विद्यालयाच्या मुलांनी दोन गटात प्रथम क्रमांक पटकावले. सिद्धांत इंटरनॅशनल स्कूल, सुदुंबरे येथे ही स्पर्धा पार पडली.
१४ वर्षे व १७ वर्षे या दोन्ही वयोगटात प्रगती शाळेच्या मुलांनी प्रथम क्रमांकाचे चषक पटकावले. शालेय समिती अध्यक्ष दामोदर शिंदे, प्राचार्य महादेव ढाकणे, पर्यवेक्षक काकासाहेब भोरे, धनंजय नांगरे यांनी मार्गदर्शक शिक्षक अरविंद नाईकरे, सतीश मिंडे तसेच विजेत्या खेळाडूंचे अभिनंदन केले.

इंदोरी ः तालुकास्तरीय खो-खो स्पर्धेत प्रथम क्रमांकांचे पारितोषिक स्वीकारताना प्रगती विद्यालयाचा संघ.