वराळेत मतदान नोंदणी अभियान

पिंपरी, ता. २६ : वराळे येथील कमांडर आयुष पार्क सोसायटीमध्ये मतदार नोंदणी अभियानास नागरिकांचा चांगला प्रतिसाद मिळाला. दोन दिवस मतदार नोंदणी अभियान राबविण्यात आले. सोसायटीतील सभासदांची नवीन मतदार नोंदणी व मतदान कार्ड दुरुस्ती यासाठी फॉर्म ६ व फॉर्म ८ भरून घेण्यात आले. अशी माहिती वराळे तलाठी सुजाता रच्चेवार यांनी दिली. उपक्रमास सभासद किरण रोकडे, महेश गायकवाड, शिवनाथ फुंदे, रवी सपकाळ, वंदना चव्हाण यांचे सहकार्य लाभले.