लोणावळा व खंडाळ्यात पर्यटकांची गर्दी

लोणावळा, ता. १८ : महाराष्ट्राची पर्यटननगरी असा लौकिक असलेल्या लोणावळा व खंडाळ्यात सध्या मध्यम स्वरूपाचा पाऊस सुरू आहे. दाट धुके आणि पावसाच्या हलक्या सरी अंगावर झेलत वर्षाविहारासाठी पर्यटकांची गर्दी होत आहे.
सलग सुट्यांमुळे गेल्या दोन दिवसांत राज्यभरातील पर्यटकांनी पर्यटन स्थळांना भेट दिली. पर्यटन हा येथील अर्थव्यवस्थेचा मुख्य कणा आहे. शनिवार, रविवार आणि स्वातंत्र्य दिनानिमित्त सलग लागून आलेल्या सुट्यांमुळे ही पर्यटनस्थळे पर्यटकांनी गजबजली होती. लोणावळ्यातील लायन्स पॉइंट, राजमाची उद्यान, भुशी धरण पर्यटकांच्या आकर्षणाचे मुख्य केंद्र आहेत. राजमाची किल्ला, कार्ला, भाजे पवना परिसरातही पर्यटकांची मोठी गर्दी झाली होती. भाजे, मळवली भागात काही काळ वाहनांच्या रांगा लागल्याने नागरिकांची तारांबळ उडाली.

छायाचित्र: LON25B04593/04594/04595
पावसाच्या हलक्या सरी अंगावर झेलत पर्यटकांनी सुट्ट्यांचा आनंद घेतला.