लोणावळ्यात रविवारी ४१ अर्ज दाखल

लोणावळा, ता. १६ : नगरपरिषदेच्या आगामी निवडणुकीसाठी रविवारी (ता. १६) ४१ जणांनी उमेदवारी अर्ज दाखल केले आहे, अशी माहिती निवडणूक निर्णय अधिकाऱ्यांनी दिली.
अर्ज दाखल करण्यात अडचणी येत असल्याने रविवारीही अर्ज स्वीकारण्यात आले. सोमवारी (ता. १७) अर्ज दाखल करण्याची अंतिम तारीख आहे. अर्ज दाखल करण्याची किचकट प्रक्रियेमुळे इच्छुक उमेदवारांपुढे अडचणी निर्माण होत आहेत. त्यामुळे विलंब होत आहे. शनिवारी राष्ट्रवादी काँग्रेसचे आमदार सुनील शेळके यांच्या उपस्थितीत जोरदार शक्तीप्रदर्शन करीत इच्छुकांनी अर्ज दाखल केले. रविवारपर्यंत (ता. १६) नगरसेवक पदासाठी एकूण ७८ जणांचे अर्ज दाखल झाले असून यामध्ये ४३ महिला व ३५ पुरुष उमेदवारांचा समावेश आहे.
प्रभागनिहाय दाखल झालेले उमेदवारी अर्ज ः क्रमांक १ ः ५, क्र. २ ः ३, क्र. ३ ः २, क्र. ४ ः ४, क्र. ५ ः १, क्र. ६ ः १, क्र. ७ ः १, क्र. ८ ः १, क्र. ९ ः ६, क्र. १० ः ३, क्र. ११ ः ३, क्र. १२ ः ३, क्र. १३ ः ८.
-----