बोरघाटात वाहनांच्या लांबच लांब रांगा

बोरघाटात वाहतूक
संथगतीने सुरू

लोणावळा, ता.२९ : मुंबई-पुणे द्रुतगती मार्गावर मोठ्या संख्येने वाहने आल्याने बोरघाटात वाहतूक संथगतीने सुरू आहे. शनिवारी (ता.२९) द्रुतगती मार्गावर लांबच लांब रांगा लागल्याचे चित्र होते. विकेंडला पर्यटन स्थळांवर जाण्यासाठी अनेकांनी बेत आखल्याने मोठ्या संख्येने नागरिक घराबाहेर पडले. त्यामुळे पर्यटनस्थळांवर पर्यटकांची वर्दळ वाढू लागली आहे.
वाहनांची वर्दळ वाढल्याने वाहतूक नियमनासाठी वाहतूक पोलिसांच्यावतीने दहा दहा मिनिटांचा ब्लॉक घेण्यात आला. यादरम्यान वाहतूक टप्प्या-टप्प्यात थांबविण्यात आली होती. बोरघाटात वाहतुकीवर ताण आल्याने शनिवारी पहाटेपासूनच वाहतूक सावकाश सुरू होती. त्यात खंडाळा एक्झिट, टाटा कॅम्पजवळ वाहने बंद पडल्याने वाहतुकीचा खोळंबा झाला. कुणे पूल, खंडाळा बोगदा, अमृतांजन पूल, दस्तुरी अंडा पॉइंट, आडोशी बोगदा दरम्यान वाहतुकीची कोंडी झाली. मात्र, तोपर्यंत बोरघाटात तीन ते चार किलोमीटरवर वाहनांच्या लांब रांगा लागल्याने वाहतूक संथगतीने सुरू आहे. वाहतुकीवर मोठा ताण आला. त्यामुळे वाहतूक पोलिसांनी खंडाळा बोगड्याजवळ दुसऱ्या मार्गिकेने वाहतूक वळविण्यात आली.