लोणावळ्यात १३५३ विद्यार्थी

लोणावळा, ता. १० : व्ही. पी. एस. हायस्कूल व द. पु. मेहता कनिष्ठ महाविद्यालय येथे बारावीच्या परीक्षेसाठी मुख्य केंद्रावर एकूण १ हजार ३५३ विद्यार्थी प्रविष्ट झाले आहेत. यामध्ये वाणिज्य शाखेचे ८४४, विज्ञान शाखेचे ४१९ तर कला शाखेचे ९० विद्यार्थी परीक्षेला बसले आहेत. दिवशी विद्यार्थ्यांचे गुलाब पुष्प देऊन स्वागत करण्यात आले. त्यामुळे परीक्षा केंद्रावर आनंदी व भयमुक्त वातावरण निर्माण झाले. शाळा समिती अध्यक्ष भगवान आंबेकर, प्राचार्य सुहास विसाळ, उपप्राचार्य व केंद्र संचालक आदिनाथ दहिफळे, कल्याण चौगुले, बाळू पिंगट सर, मुख्य लिपिक कुंडलिक आंबेकर आदी यावेळी उपस्थित होते. शिक्षक सचिन लांडगे यांनी परीक्षेबाबत आवश्यक सूचना व मार्गदर्शन ध्वनिवर्धकावरून दिले. यावेळी विद्याप्रसारणी सभेच्या नियामक मंडळ अध्यक्षा डॉ. मृणालिनी गरवारे, कार्यवाह डॉ. सतीश गवळी तसेच सहकार्यवाह विजयजी भुरके यांनी विद्यार्थ्यांना परीक्षेसाठी हार्दिक शुभेच्छा दिल्या.
-----