अखिल भारतीय मराठी बालकुमार साहित्य संस्थेतर्फे चित्रकला स्पर्धा

मोशी, ता. ३ : भोसरीतील गुरू विहार मित्रमंडळ व अखिल भारतीय मराठी बालकुमार साहित्य संस्था पुणे यांच्या संयुक्त विद्यमाने बालकुमार चित्रकला स्पर्धा पार पडली.
नागरिकांनी एकत्र यावे, त्यांच्यात ऐक्य वाढावे यासाठी टिळकांनी घरातला गणपती बाहेर आणत त्याला सार्वजनिक रुप दिले. तेव्हापासून महाराष्ट्रातील नागरिक एकत्र येत गणेशोत्सव साजरा करत आहेत आणि याच उत्सवामध्ये त्याचे चित्रण व्हावे यासाठी या चित्रकला स्पर्धांचे आयोजन करण्यात येत आहे. असे प्रतिपादन संस्था संजय थोरवे यांनी केले. यावेळी अण्णा मटाले, पंडित पाचोरे, बाबूराव लोंढे, मुकुंद पाटील, भरत कोरडे, भैरवनाथ विद्यालयाचे उपमुख्याध्यापक दीपक बागूल आदींसह मंडळाचे सदस्य उपस्थित होते. याप्रसंगी शेकडो विद्यार्थ्यांनी विविध विषयांवर चित्र रेखाटन करत त्यात रंग भरले.