बसथांब्यांवरील निवारा शेडचे एसटी, पीएमपी प्रशासनाला वावडे
मोशी, ता. २४ : गेल्या अनेक वर्षांपासून मोशीतील एसटी व पीएमपी बसथांबे हे प्रवाशांच्या तक्रारीचे केंद्रबिंदू झाले आहेत. पुणे - नाशिक महामार्गाचे रुंदीकरण झाल्यापासून बसथांब्यांवर पत्र्याचे शेड उभारले गेलेले नाहीत. परिणामी, प्रवाशांना ऊन, वारा व सध्याच्या पावसात हाल सोसून बसची वाट पाहावी लागत आहे.
सार्वजनिक वाहतूक व्यवस्थेचे बळकटीकरण हे आवश्यक आहे. पण, प्रवाशांच्या सुरक्षा व सोयी-सुविधांकडे प्रशासनाने कायमच डोळेझाक केली आहे. आजही बसथांब्यावर शेड बसविणे हे अवघड काम नाही. मात्र, प्रशासनाच्या उदासीनता आणि नियोजनशून्य कार्यपद्धतीमुळे प्रवाशांना हाल सोसावे लागत आहेत. ज्येष्ठ नागरिक, महिला, शालेय विद्यार्थी, कामगार वर्ग अशा सर्वांना त्याचा सामना करावा लागत आहे. पावसात भिजत प्रवाशांना बसची प्रतीक्षा करावी लागते. त्यामुळे, प्रवाशांत नाराजी व संताप वाढीस लागला आहे. स्थानिक नागरिकांनी अनेकदा महापालिका तसेच एसटी महामंडळाकडे पत्रव्यवहार करून ही मागणी केली आहे. मात्र, प्रशासनाने केवळ आश्वासने दिली असून प्रत्यक्षात काहीच हालचाल झालेली नाही.
प्रवाशांच्या मूलभूत सोयी-सुविधांकडे प्रशासनाचे दुर्लक्ष हा गंभीर प्रश्न आहे. मोशीतील बसथांब्यांवर शेड उभारणे ही तातडीची गरज असून त्याकडे शासन व महापालिका दोन्ही यंत्रणांनी गांभीर्याने लक्ष दिले पाहिजे. हे केवळ प्रवाशांच्या सोयीपुरते मर्यादित नसून नागरिकांच्या सन्मानाचा प्रश्न आहे.
- रामदास सूर्यवंशी, प्रवासी
MOS25B03885
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.