रावेत, प्राधिकरण परिसरातील ढोल ताशा पथकांचे एकत्रित वाद्य पूजन

निगडी, ता. ५ ः पिंपरी चिंचवड महासंघातर्फे, निगडीतील ज्ञान प्रबोधिनी येथे आकुर्डी, रावेत, प्राधिकरण, निगडी परिसरातील वाद्य पथकांचा एकत्रित वाद्य पूजनाचा कार्यक्रम पार पडला.
यावेळी महाराष्ट्र ढोल ताशा संघाचे प्रमुख पराग ठाकूर, सिनेअभिनेता सौरभ गोखले आणि प्रबोधिनीचे ज्येष्ठ कार्यकर्ते डॉ. सौंगध देशमुख यांनी यावेळी ढोल ताशा पथकांना मार्गदर्शन केले. या कार्यक्रमात एकूण ५३ पथके सहभागी होती. शहरातील पथकांनी मोठ्या संख्येने सहभाग नोंदवून एकीचे प्रदर्शन घडविले. पथक संस्कृतीचा उगम आणि यापुढे सर्व पथकांनी एकत्रित येऊन महाराष्ट्राचा गणेशोत्सव जागतिक स्तरावर कशा प्रकारे मानबिंदू होईल, यावर मान्यवरांनी मार्गदर्शन केले. सर्व ढोल - ताशा पथके अशीच एकी यापुढे दाखवतील आणि गणेशोत्सवाला आणखी विधायक व शिस्तीचे स्वरूप नक्कीच प्राप्त होईल, अशी खात्री ढोल ताशा महासंघ अध्यक्ष विशाल मानकर यांनी व्यक्त केली.

NGI25B00720