भोंडवे चौकातील जलवाहिनीची दुरुस्ती

रावेत, ता. ९ ः गेल्या दोन दिवसांपासून भोंडवे चौक परिसरात मुख्य जलवाहिनीमध्ये झालेल्या तांत्रिक बिघाडामुळे होणारी पाण्याची मोठ्या गळतीची अखेर महापालिकेकडून दखल घेण्यात आली. तसेच तातडीने उपाययोजना करण्यात आली.
या जलवाहिनीमधून सतत गळती होत असल्याने पाणी रस्त्यावर वाहत होते. या संदर्भात स्थानिक नागरिक आणि सामाजिक कार्यकर्त्या अर्चना सुराणा यांनी या घटनेची दखल घेत प्रशासनाकडे तक्रार दाखल केली होती. संबंधित विभागाने लवकरात लवकर ही गळती थांबवावी, अशी मागणी केली होती. त्याची दखल घेत पिंपरी चिंचवड महानगरपालिका ‘ब’ प्रभागाच्या पाणी पुरवठा विभागाकडून दुरुस्ती करण्यात आली.