क्रीडा प्रशिक्षकांचा सत्कार

जुनी सांगवी, ता.८ ः दापोडी परिसरातील फुलचंद यादव फाउंडेशनच्यावतीने हॉकीपटू मेजर ध्यानचंद यांची जयंती (राष्ट्रीय क्रीडा दिन) साजरी करण्यात आली. यावेळी क्रीडा प्रशिक्षक व शिक्षकांचा सत्कार करण्यात आला.
राष्ट्रीय मुष्टियुद्धपटू सीमा यादव, सुरेश साळवी यांच्या हस्ते मेजर ध्यानचंद यांच्या प्रतिमेस पुष्पहार घालून त्यांना अभिवादन करण्यात आले. याप्रसंगी ज्येष्ठ मुष्टियुद्ध खेळाडू डॉ. मदन कोठुळे, माजी कबड्डी खेळाडू शाम घोरपडे, देवेंद्रसिंह यादव, राजेंद्र शिरोळे (मुष्टियुद्ध), कैलास गायकवाड (मुष्टियुद्ध), रामेश्वर इंगळे (हॉकी), रोहित खंडागळे, श्लोक खिरीड (कुस्ती), प्रल्हाद भोयर (शरीरसौष्ठव), विजय रणसिंग (क्रीडा संघटक), चंद्रकांत सोनवणे (क्रीडा शिक्षक) यांचा सत्कार करण्यात आला. युवराज दिसले यांनी सूत्रसंचालन केले. राजेंद्र काळभोर यांनी आभार मानले.