आदिवासी वधू-वर परिचय मेळावा उत्साहात

पिंपळे गुरव, ता. १५ : सह्याद्री आदिवासी संस्थेच्या वतीने आदिवासी वधू-वर परिचय मेळावा सुरेखाताई भालचिम सभागृहात आयोजित करण्यात आला. कार्यक्रमाचे प्रमुख निमंत्रक म्हणून सुनीता कोळप या होत्या.
मेळाव्याचे उद्घाटन सामाजिक कार्यकर्ते श्याम जगताप व तानाजी जवळकर यांच्या हस्ते करण्यात आले. उद्घाटनप्रसंगी जगताप यांनी या उपक्रमाच्या कौतुक केले. तसेच आदिवासी समाजाच्या अंगभूत गुणवैशिष्ट्यांचे वेगळेपण मांडले.
कार्यक्रमाला मॉर्डन विद्यालयाच्या प्राचार्य शारदा साबळे, बँक अधिकारी इंद्रसेन तिटकारे, वैद्यकीय अधिकारी डॉ. पोपट जोशी, ‘डीआरडीओ’चे विभाग प्रमुख शास्त्रज्ञ सुरेश गभाले, पुणे महानगरपालिकेचे प्रशासकीय अधिकारी प्रकाश जंगले आदी उपस्थित होते. मेळाव्याचे संस्थापक अध्यक्ष विष्णु शेळके यांनी जमातीय ऐक्यासाठी अंतरजमातीय विवाहास प्रोत्साहन देण्याचे महत्त्व विशद केले. मेळाव्यात गोंड, परधान, ठाकर, भिल्ल, कोळी महादेव, कातकरी, कोकणा आदी विविध आदिवासी जमातींच्या उपवर-उपवधूंचा सहभाग होता. नोंदणीचे काम राणी आढारी, भगवान ढेंगळे व स्वप्नील पोटे यांनी पाहिले. सूत्रसंचालन देवराम चपटे व जयमाला मराडे यांनी केले.