गुरु गणेश विद्यालयात शिवजयंती उत्साहात
पिंपरी, ता. २२ : गुरु गणेश विद्यालयात शिवजयंतीनिमित्त छत्रपती शिवाजी महाराज जयंती उत्सवात साजरी करण्यात आली. कार्यक्रमाची सुरुवात प्रतिमा पूजन, शिवगर्जना व शिवपाळण्याने करण्यात आली. या वेळी सचिव राजेंद्र कांकरिया, शंकरलाल मुथा यांनी शिवजयंतीच्या शुभेच्छा दिल्या. शिवव्याख्याते शुभम मोटे यांनी शिवचरित्र, रयतेवर होणारे अन्याय व स्वराज्य स्थापना या विषयावर शिवव्याख्यान दिले. एच. एन. मारकड यांनी शिवाजी महाराजांचा इतिहास यावर विचार मांडले. एच. एस. लोखंडे यांनी प्रास्ताविक केले. नृत्य, गडकिल्ले संवर्धन व नाटिका व लेझीम आदी सांस्कृतिक कार्यक्रम सादर झाले. जिजाऊ, शिवाजी महाराज व मावळे यांच्या मनमोहक वेशभूषा मुलांनी केल्या. एम.एल तोत्रे यांनी सूत्रसंचालन केले. सिद्धी भोसले हिने लाठीकाठी प्रात्यक्षिके सादर केले. एल.डी. थोरात यांनी आभार व्यक्त केले. नियोजन आर.एच. भिसे यांनी केले.
हे ही वाचा
