सदा खोत यांच्या प्रतिमेला मारले जोडे

सदाभाऊ खोत यांचा निषेध
पिंपरी, ता. ११ : शरद पवार यांच्यावर खालच्या पातळीवर टीका करणाऱ्या सदाभाऊ खोत यांचा राष्ट्रवादी काँग्रेस व कष्टकरी संघर्ष महासंघातर्फ मंगळवारी (ता. ११) पिंपरी येथे जोडे मारून निषेध करण्यात आला.
यावेळी कामगार नेते काशिनाथ नखाते म्हणाले, ‘‘खोत यांना राजू शेट्टी व गोपीनाथ मुंडे यांच्या आशीर्वादाने लायकी नसताना मंत्रिपद मिळाले. मात्र, त्यांनी त्यांच्याशी दगाफटका केला. वास्तविक खोत व त्यांच्या मुलाची पंचायत समिती अथवा जिल्हा परिषदेमध्ये निवडून येण्याची कुवत नाही.’’ यावेळी ओमप्रकाश मोरया, इरफान चौधरी, नाना कसबे, सलीम डांगे, आबा शेलार, जय जाधव, हरी भोई आदी उपस्थित होते..