तळेगावात रेल्वेतून पडून एकाचा मृत्यू

तळेगाव दाभाडे (स्टेशन), ता. १४ : पुणे-मुंबई लोहमार्गावर रेल्वेतून पडून एका इसमाचा मृत्यू झाला. विद्याधर विजयकुमार इनामदार (वय ४८, रा. राव कॉलनी, तळेगाव दाभाडे) असे मयत इसमाचे नाव आहे.
पुणे-मुंबई लोहमार्गावर तळेगाव दाभाडे व वडगावच्या दरम्यान एमआयडीसी रोडच्या पुलालगत रेल्वे किलोमीटर क्रमांक १५५/५१ जवळ सोमवारी सायंकाळच्या सुमारास एका अज्ञात रेल्वेतून पडून इनामदार गंभीर जखमी झाले व त्यांचा मृत्यू झाला. तळेगाव दाभाडे येथील प्राथमिक आरोग्य केंद्रामध्ये शवविच्छेदन केल्यानंतर त्यांचा मृतदेह नातेवाइकांच्या ताब्यात देण्यात आला. याप्रकरणी पुढील तपास रेल्वेचे सहायक पोलिस उपनिरीक्षक संजय तोडमल करीत आहेत.

PNE23T49178