अपघात झालेल्या बसचा
वाहन परवाना निलंबित

अपघात झालेल्या बसचा वाहन परवाना निलंबित

पिंपरी, ता. ९ ः आळंदी-मरकळ रस्‍त्‍यावर अपघात झालेल्या शालेय विद्यार्थ्यांची वाहतूक करणाऱ्या बसचा परवाना निलंबित करण्यात आला आहे. पिंपरी-चिंचवड उपप्रादेशिक परिवहन कार्यालयाच्‍यावतीने ही कारवाई करण्यात आली. तसेच बस मालकाला दंडही केला असल्‍याची माहिती प्रादेशिक परिवहन अधिकारी संदेश चव्हाण यांनी दिली.
शालेय विद्यार्थ्यांची वाहतूक करणाऱ्या बसचा नुकताच आळंदी- मरकळ रस्त्यावरील दाभाडे सरकार चौकाजवळ अपघात झाला होता. या अपघातानंतर बस चालकावर गुन्हा दाखल झाला आहे. मात्र, आता या बसला शालेय विद्यार्थ्यांची वाहतूक करण्याचा परवानाच नसल्याचे उघड झाले आहे. आपत्कालीन दरवाजाच्या ठिकाणी जादा सीट बसवली होती. त्यामुळे बसचा आपत्कालीन दरवाजा न उघडल्यामुळे मुलांना काच फोडून बाहेर काढावे लागले होते. नशीब बलवत्तर म्हणून या बसमधील ७० मुलांना कोणताही त्रास झाला नाही. अपघातानंतर शहरातील शालेय वाहतूक करणाऱ्या बसचा प्रश्न ऐरणीवर आला. शालेय विद्यार्थ्यांची वाहतूक करण्यासाठी आरटीओकडून परवाना घेणे बंधनकारक आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com