‘विराग’,‘बी अ स्पोर्टस्’चे विजय

पिंपरी, ता.१० ः ‘व्हेरॉक चषक’ क्रिकेट स्पर्धेतील साखळी सामन्यात ‘विराग’ आणि ‘बी अ स्पोर्टस’ने विजय मिळविले. अष्टपैलू रुद्र भगत (विराग) आणि गोलंदाज अर्णव धावरे (बी अ स्पोर्टस्) हे सामन्याचे मानकरी ठरले. अर्णव याने पाच बळी घेत अप्रतिम कामगिरी नोंदविली.
पीसीएमसीज् व्हेरॉक-वेंगसरकर क्रिकेट अकादमीच्या मैदानावर १३ वर्षांखालील मुलांच्या गटात वरील स्पर्धा आयोजित करण्यात आली आहे. पहिल्या साखळी सामन्यात विराग क्रिकेट अकादमीने ‘स्पोर्टिव्ह’वर ८ गडी राखून विजय मिळविला. विजयी संघाचा सलामीवीर श्रेय असलेकर याने ७० चेंडूत नाबाद ७५ धावा फटकाविल्या. सामनावीर रुद्र भगत याने २४ धावा आणि ३ गडी बाद केले. दुसऱ्या सामन्यात गॅरी कर्स्टन अकादमीला ‘बी अ स्पोर्टस्’ विरुद्ध खेळताना पराभवाला सामोरे जावे लागले. विजयी संघाच्या अर्णव धावरे याने भेदक गोलंदाजी करत प्रतिस्पर्धी संघाचा निम्मा संघ तंबूत पाठविला.
संक्षिप्त धावफलक -
स्पोर्टिव्ह ः ३२ षटकांत सर्वबाद ११८ - अर्णव दिघुले २९, अंशुमन पोतदार २० (रुद्र भगत ३/११, विराट सुरतकर २/२३, विहान सुतार २/८) पराभूत वि. विराग ः २२ षटकांत २ बाद ११९- श्रेय असलेकर नाबाद ७५, रुद्र भगत नाबाद २४;
बी अ स्पोर्टस ः ३९ षटकांत ८ बाद २३४ - श्लोक पांडे ४२, स्वयम कांबळे ४० (वीर संचेती २/३६) वि.वि. गॅरी कर्स्टन ः ३४.५ षटकांत सर्वबाद १७९ - अर्णव सूर्यवंशी ५८, अर्यश सिंग २३ (अर्णव धावरे ५/४२)
PNE24U07220,PNE24U07221