शहराध्यक्षांच्‍या प्रतिक्रिया

मावळ लोकसभेत महायुतीचा उमेदवार विजयी होण्यामध्ये पिंपरी आणि चिंचवड विधानसभा मतदारसंघांनी सिंहाचा वाटा उचलला आहे. या दोन्‍ही मतदारसंघांत ९१ हजारांचे मताधिक्‍य मिळाले. चिंचवड विधानसभा मतदारसंघात ७४ हजार ७६२ मतांचे मताधिक्‍य दिले आहे. भारतीय जनता पक्षाच्या कार्यकर्त्यांचे कष्ट, नियोजनामुळे हे यश मिळाले. राज्‍यात विरोधात लाट असताना देखील भा‍जप कार्यकर्त्यांनी ताकदीवर मावळ लोकसभा मतदारसंघात विजय खेचून आणला.
- शंकर जगताप, शहराध्यक्ष, भारतीय जनता पक्ष, पिंपरी-चिंचवड

महाविकास आघाडीतील मित्रपक्ष म्‍हणून कार्यकर्ते आणि पदाधिकारी प्रामाणिकपणे काम केले. पिंपरी, चिंचवड, भोसरीसह मावळमध्ये सर्वच ठिकाणी कार्यकर्त्यांनी परिश्रम घेतले. मात्र, उपमुख्यमंत्री अजित पवार यांच्‍या समर्थकांवर आणि स्‍थानिक नगरसेवकांवर ठेवलेल्‍या विश्‍वासामुळे उमेदवाराला पराभव पत्‍करावा लागला.
- तुषार कामठे, शहराध्यक्ष, राष्ट्रवादी काँग्रेस शरदचंद्र पवार पक्ष, पिंपरी-चिंचवड