बीआरटी मार्गिकेत खासगी वाहनांची घुसखोरी सुरुच

निगडी-आकुर्डी मार्गावर असलेल्या बीआरटी मार्गिकेत पीएमपी बसशिवाय घुसखोरी करणाऱ्या इतर वाहनांच्या घुसखोरीबद्दल काही दिवसांपूर्वी मी लिहिले होते. त्यानंतर केवळ एक दिवस काही ठिकाणी पोलिस अशा बेशिस्त वाहनचालकांकडून दंड वसूल करताना दिसले. मात्र, आता काही वाहनचालक आपली वाहने बीआरटी मार्गिकेतून सर्रासपणे नेत आहेत. यामुळे या नियम मोडणाऱ्या वाहनचालकांबरोबरच, वाहतूक नियमांचे पालन करणाऱ्या वाहनचालकांनाही मोठा धोका निर्माण झाला आहे. यामुळे गंभीर अपघात होण्याआधीच संबंधित अधिकाऱ्यांनी याची दखल घेऊन आवश्यक ती कार्यवाही करावी.
- शिवराम वैद्य, निगडी,