आयटीआयच्या विद्यार्थ्यांचे पुष्पवृष्टी करून स्वागत

पिंपरी, ता. ३: पिंपरी चिंचवड महानगरपालिकेच्या औद्योगिक प्रशिक्षण संस्था (आयटीआय) मोरवाडी येथे प्रशिक्षण सत्र २०२५ -२६ नव्याने सुरू झाले आहे. तेथे पहिल्याच दिवशी विद्यार्थ्यांचे स्वागत करण्यात आले.
प्रवेशित झालेले सर्व विद्यार्थी मोठ्या प्रमाणात उपस्थित होते. पुष्पवृष्टी करून त्यांना प्रोत्साहित करण्यात आले व भेटवस्तू देण्यात आली. औद्योगिक प्रशिक्षण विभागाचे प्राचार्य शशिकांत पाटील यांनी विद्यार्थ्यांना तसेच उपस्थित राहिलेल्या पालकांना औद्योगिक प्रशिक्षण संस्थेचे महत्त्व सांगितले. आयटीआय संस्था, केंद्र शासन, कौशल विकास व उद्योजकता मंत्रालय, डीजीटी यांच्या अखत्यारित संपूर्ण कामकाज चालत असल्याबाबत माहिती दिली. तसेच सर्व ट्रेड्सच्या विद्यार्थ्यांना रोजगारासाठी मार्गदर्शन केले.
महापालिकेने टाटा मोटर्ससोबत ‘डीएसटी’अंतर्गत करार केला आहे. गटनिदेशक किसन खरात यांनी विद्यार्थ्यांना संस्थेचे नियमावली, विद्यार्थ्यांचे हजेरीचे महत्व तसेच शिस्तपालनाबाबत मार्गदर्शन केले. सर्व निदेशकांनी ट्रेडबाबत माहिती सांगितली.