वृत्तपत्र विक्रेत्याने रक्तदानातून जोपासली सामाजिक बांधिलकी

पिंपरी, ता.४ ः चिंचवडच्या कृष्णानगर चौकातील वृत्तपत्र विक्रेते मिलिंद दाभोळकर यांनी पिंपरी येथील वायसीएम रुग्णालयातील रक्तपेढीत २५ वे रक्तदान केले. या माध्यमातून त्यांनी अनावश्यक खर्चाला फाटा देत सामाजिक भान जपले. दाभोळकर यांनी १९९८ मध्ये रत्नागिरी जिल्ह्यातील दापोली येथे पहिल्यांदा रक्तदान करून अपघातग्रस्त महिलेला जीवदान मिळवून दिले होते. त्यानंतर वेळोवेळी गरजू रुग्णांना रक्तदान केले. त्यांनी १९९८ मध्ये पहिल्यांदा रक्तदान करून अपघातग्रस्त महिलेला जीवदान दिले. डॉ. नीता घाडगे, डॉ. गणेश लांडे, डॉ. जयंत जाधव, परिचारिका गीता चव्हाण, पोपट आरणे, आम्रपाली गायकवाड, सुनीत आवटे आदी उपस्थित होते. वाढदिवसानिमित्त अनावश्यक खर्चाऐवजी कुणाचातरी जीव वाचवा या हेतूने रक्तदान केल्याचे दाभोळकर यांनी सांगितले. त्यांच्या या उपक्रमाचे परिसरातील नागरिकांमधून कौतुक होत आहे.