शिक्षकांनी केलेल्या कवितांचे कविसंमेलनात सादरीकरण

पिंपरी, ता. १० ः ‘आयुष्याचे गणित होताना नवनवीन उत्तरे शोधू या, या संयमाने या सुखाचा आनंद परीघ वाढवू या’, या आणि अशा एकापेक्षा एक उत्तम कवितांचे सादरीकरण शिक्षकांनी केले. निमित्त होते महाराष्ट्र साहित्य परिषद पिंपरी चिंचवड आयोजित शिक्षक सन्मान आणि कविसंमेलनाचे.
प्रीतम प्रकाश महाविद्यालयाचे अध्यक्ष डॉ. अशोक पगारिया, संत साई विद्यालयाचे संस्थापक शिवलिंग ढवळेश्वर, प्रतिभा महाविद्यालयाचे डॉ. राजेंद्र कांकरिया, महाराष्ट्र साहित्य परिषद पिंपरी चिंचवडचे अध्यक्ष राजन लाखे, उपाध्यक्षा डॉ. रजनी शेठ, ज्येष्ठ शिक्षक श्रीकृष्ण मुळे यांची प्रमुख उपस्थिती होती. पुणे व पिंपरी चिंचवड परिसरातील सहभागी झालेल्या शिक्षक कवींनी एकाहून एक रचना सादर करून कविसंमेलनात रंगत आणली.
कवी संमेलनात सुभाष चटणे, सुलभा सत्तुरवार विलास वानखडे, स्नेहल भोर डॉ. विदुला व्यवहारे, अंजली नवंगुळ अनुपमा बाविस्कर, योगिता कोठेकर, प्रतिमा काळे, नरहरी वाघ, रमाकांत श्रीखंडे, सुनीता बोडस, अशोक होनराव, बंडा जोशी, विनिता श्रीखंडे, शांताराम सोनार, बाळकृष्ण अमृतकर, रेहाना आत्तार, संदीप राशीनकर, श्रुती राशीनकर, दिनेश भोसले, शिवाजी चव्हाण, हनुमंत देशमुख, प्राची देशपांडे, ऊर्मिला व्यवहारे यांच्यासह एकूण ४६ शिक्षक कवींनी विविध विषयावर कविता सादर केल्या. प्रमुख पाहुण्यांनीही शिक्षकांचे मनोबल करणारे मनोगत व्यक्त करून सर्व शिक्षकांना शुभेच्छा दिल्या. प्रा. अमोल पाटील, श्रीकांत जोशी, जयश्री श्रीखंडे, किरण जोशी, नागेश गवाड यांनी कार्यक्रमाचे संयोजन केले. राजन लाखे यांनी प्रास्ताविक केले तर संजय जगताप यांनी सूत्रसंचालन केले.