वाचक लिहीतात

बंदी केवळ नावाची ?
बंदी हा शब्दच हास्यास्पद झाला आहे. दारूबंदी, गुटखाबंदी, प्लॅस्टिक बंदी, अवजड वाहतूक बंदी, डीजे बंदी, लेझरलाइट बंदी अशा अनेक विविध प्रकारच्या बंदी टाकून शासनाला काय अभिप्रेत आहे? हे आजपर्यंत उमगले नाही. कारण ‘जेथे बंदी तेथेच संधी’ हे सूत्र मात्र काटेकोरपणे संबंधित यंत्रणांकडून पाळले जात असल्याचे सर्वत्र दिसते. अनेक समाज विघातक विषयांवर सरकार बंदी घालत असते. तसे आदेश वेळोवेळी काढले जातात. परंतु, हे सगळे बंदी आदेश शासकीय यंत्रणांसमोर पायदळी तुडविले जातात. राज्यकर्ते आणि शासन चालवणारे लोकप्रतिनिधी याला जबाबदार नाहीत का? त्यांनी आणि सरकारने मनावर घेतले; तर या सर्व बंदी आदेशांची काटेकोरपणे अंमलबजावणी होईल.
- दिलीप डोळस, तळेगाव दाभाडे