पिंपरी गुरुवारी सोलफुल किशोर

पान एक ॲंकर ः ३ ऑगस्ट पान ८ वरून फोटो घेणे
---

चिंचवडमध्ये उद्या ‘सोलफुल किशोर’

‘सकाळ’तर्फे आयोजन; किशोर कुमार यांच्या आठवणींना उजाळा

पिंपरी, ता. ५ ः ‘गाता रहे मेरा दिल’, ‘जीवन से भरी तेरी आँखे’, ‘रोते हुए आते है सब’, ‘हे मैने कसम ली’, ‘अपनी तो जैसे तैसे’ ही गाणी ऐकलेली नाहीत, असे कोणी सापडणार नाही. किंबहुना या गाण्यांचे आणि त्या गायकाचे दिवाणे अनेक जण आहेत. अशी एकापेक्षा एक सरस गाणी प्रत्यक्ष ऐकण्याची संधी पिंपरी-चिंचवडकरांना उपलब्ध झाली आहे. तीही गुरुवारी (ता. ७) ‘सोलफुल किशोर’ कार्यक्रमाच्या निमित्ताने...
किशोरकुमार यांनी आपला अनोखा आवाज आणि बहुरंगी गायकीने संगीतप्रेमींच्या हृदयात अढळस्थान मिळविले आहे. त्यांच्या ९६ वा जन्मदिनानिमित्त ‘सकाळ माध्यम समूहा’ने गुरुवारी सायंकाळी सहा वाजता चिंचवड येथील प्रा. रामकृष्ण मोरे प्रेक्षागृहात ‘सोलफुल किशोर’ या संगीत मैफलीचे आयोजन केले आहे. यातून किशोरकुमार यांच्या अजरामर गीतांना आधुनिक साज चढवून पुणे आणि आसपासच्या भागांतील रसिकांना एक आगळी-वेगळी संगीतमय सायंकाळ अनुभवता येणार आहे. आपल्या सुमधुर आवाजाने चित्रपटसृष्टीवर आणि रसिकांच्या मनावर अधिराज्य गाजवणारे गायक म्हणून किशोर कुमार सर्वपरिचित आहेत. त्यांची वेगवेगळ्या शैलीतील गाणी आणि आवाजाचे आजही अनेकजण दिवाने आहेत.
किशोरकुमार यांच्या कारकिर्दीतील आठवणींना उजाळा देण्यासाठी आयोजित या संगीत मैफलीत ‘रोते हुए आते है सब’, ‘गाता रहे मेरा दिल’ अशी एकापेक्षा एक सरस गाणी सादर होणार आहेत. त्यांची अनेक गाणी आजही रसिकांच्या मनात रुंजी घालतात. त्यांच्या गीतांना आणि हिंदी चित्रपटगीतांच्या सुवर्णकाळालाही या कार्यक्रमातून उजाळा दिला जाणार आहे. किशोर कुमार यांची निवडक गाणी जितेंद्र भुरूक आपल्या सहकाऱ्यांसह सादर करतील. या मैफलीतून कलाकार किशोर कुमार यांना मानवंदना देतील.

सहभागी कलाकार
गायक ः जितेंद्र भुरूक
सह गायिका ः राजेश्वरी पवार
निवेदन ः आरजे बंड्या
वाद्यवृंद ः चिंतन मोडा, रशीद शेख, अमन सय्यद, मुकेश देदिया, लीजस शशीधरण, बाबा खान, सचिन वाघमारे, अजय अत्रे, रोहित साने, सोमनाथ फाटके, नंदू डेविड, सुनील साळवी
ध्वनी प्रकाश ः गौतम ऑडिओ

काय?, कधी?, केव्हा? कुठे?
काय ? ः ‘सोलफुल किशोर’ संगीत मैफील
कधी ? ः ७ ऑगस्ट २०२५, गुरुवार
केव्हा ? ः सायंकाळी ६ वाजता
कुठे ? ः प्रा. रामकृष्ण मोरे प्रेक्षागृह, चिंचवड

कार्यक्रम सशुल्क
प्रवेशिका ‘bookmyshow’वर आणि प्रा. रामकृष्ण मोरे प्रेक्षागृहात सकाळी ९ ते ११.३० आणि सायंकाळी ५ ते ८ या वेळेत उपलब्ध आहेत. फोन बुकिंग ः ९८२२४१०८४१

किशोर कुमार यांनी अजरामर केलेली गाणी गेल्या तीस वर्षांपासून मी गात आहे. मला ते गुरुस्थानी आहेत. त्यांच्या गाण्याच्या कार्यक्रमामुळे मध्य प्रदेश सरकारचा व्हॉइस ऑफ किशोरकुमार पुरस्कार मिळाला आहे. इंडिया वर्ल्ड रेकॉर्डमध्ये कार्यक्रमाची नोंद झाली आहे. किशोर कुमार यांच्या ८९ व्या वाढदिवसानिमित्त सलग ८९ गाणी सादर केली होती. तसेच, एकाच दिवशी पाच वेगवेगळ्या थिएटरमध्ये १३५ गाणी सादर करण्याचा विक्रमही केला आहे.
- जितेंद्र भुरूक, गायक
---