कासारवाडी शाळेत आठवणींना उजाळा

पिंपरी, ता. १८ ः ‘‘जीवनामध्ये गुरूंना महत्त्वाचे स्थान आहे. परंतु आई, वडील हेच पहिले व सर्वोच्च गुरू आहेत,’’ असे प्रतिपादन निवृत्त शिक्षक नवनाथ बोऱ्हाडे यांनी केले.
सर्वांच्या सुख दुःखात सहभागी होऊन एकमेकांना मदत करणे आणि सामाजिक सलोखा वाढविणे या उद्देशाने कासारवाडी माध्यमिक विद्यालयात १९८६-८७ च्या इयत्ता दहावीतील माजी विद्यार्थ्यांचा स्नेहमेळावा आयोजित केला होता. त्यात बोऱ्हाडे यांनी विद्यार्थ्यांशी संवाद साधला. ३८ वर्षांनंतर सवंगडी एकत्र आले होते. सर्वांनी गत काळातील गोड स्मृतींना उजाळा दिला. दिवंगत झालेले माजी विद्यार्थी दीपक राऊत, बाळासाहेब नेवाळे, राजेश कांबळे, राजेंद्र प्रसाद, हेमलता कोळी, सावता बुणगे, संतोष बनकर यांना श्रद्धांजली वाहिली.
१९८६-८७ या वर्षात प्रथम क्रमांक मिळविलेल्या सरोजिनी जाडर यांचा स्मृतिचिन्ह देऊन सन्मान केला. कराओकेवर हिंदी, मराठी गाणी सुधाकर पाढळकर, प्रकाश कानडे, गणेश पठारे, रेखा चव्हाण, शर्मिला साळवी आणि हेमंत लांडे यांनी सादर केली. दिनेश जोशी यांनी शालेय जीवनातील गमतीदार किस्से सांगितले. संगीत आणि नृत्याचा मनसोक्त आनंद घेतला.
चिमण लांडगे, प्रकाश कानडे, रवींद्र चेडे, अविनाश जासूद, सुनील शेटे, वैशाली गुळवणी आदी माजी विद्यार्थ्यांनी शालेय आठवणींना उजाळा दिला. घमाजी लांडगे, रवींद्र लांडगे, सोमनाथ शिंदे, अनिल बांगर, संदीपराजे शिर्के आदींनी संयोजन केले. प्रास्ताविक व सूत्रसंचालन शशिकांत शिंदे यांनी केले. ध्वनी व्यवस्था शैलेश घावटे यांनी केली. अनिल बांगर यांनी आभार मानले.