महापालिका अधिकाऱ्यांकडे अतिरिक्त कार्यभार वाटप

पिंपरी, ता. १९ ः पिंपरी चिंचवड महापालिकेचे अतिरिक्त आयुक्त प्रदीप जांभळे पाटील यांची महापालिकेतून मूळ प्रशासकीय विभागाकडे बदली झाली आहे. त्यामुळे त्यांच्याकडे असणाऱ्या विविध विभागांचा कार्यभार सध्याच्या विभागांसह अन्य अधिकाऱ्यांना सोपविल्याचा आदेश आयुक्त श्रावण हर्डीकर यांनी बुधवारी दिला. त्यानुसार अतिरिक्त आयुक्त विजयकुमार खोराटे यांच्याकडे अग्निशमन, अतिक्रमण, बांधकाम परवानगी व अनधिकृत बांधकाम नियंत्रण, विद्युत मुख्य कार्यालय, निवडणूक व जनगणना, स्थापत्य मुख्य कार्यालय; अतिरिक्त आयुक्त तृप्ती सांडभोर यांच्याकडे करसंकलन मुख्य कार्यालय, शिक्षण, समाज विकास, जलशुद्धीकरण केंद्र सेक्टर २३, पाणीपुरवठा, मध्यवर्ती भांडार विभाग; सहआयुक्त मनोज लोणकर यांच्याकडे उद्यान व वृक्षसंवर्धन, सर्व क्षेत्रीय कार्यालये व त्याअंतर्गत सर्व विभाग, स्थापत्य (उद्यान); सहाय्यक आयुक्त किरणकुमार मोरे यांच्याकडे निवडणूक व जनगणना आणि उपायुक्त ममता शिंदे यांच्याकडे शिक्षण विभागाचा अतिरिक्त कार्यभार सोपविला आहे.