घरकुल सदनिकांचे सोडत पद्धतीने वाटप

पिंपरी, ता. २१ ः केंद्र आणि राज्य सरकारच्या सहकार्याने पिंपरी चिंचवड महापालिकेने चिखली प्राधिकरण सेक्टर १७ व १९ मध्ये जवाहरलाल नेहरू राष्ट्रीय नागरी पुनर्निर्माण अभियानांतर्गत आर्थिक दुर्बल घटकांसाठी घरकूल योजना राबवली आहे. त्यातील रिक्त ३२ सदनिकांची संगणकीय सोडत शुक्रवारी काढण्यात आली. या प्रकल्पामध्ये १५८ इमारती आणि सहा हजार ६३६ सदनिका आहेत. प्रत्येक इमारतीत ४२ सदनिका असून सहा हजार ६०२ सदनिकांचे वितरण झाले होते. दोन सदनिकांची प्रक्रिया सुरू आहे. या कार्यक्रमाला झोपडपट्टी निर्मूलन व पुनर्वसन विभागाचे उपायुक्त अण्णा बोदडे, कार्यकारी अभियंता राजेंद्र शिंदे, उपअभियंता सुनील दांगडे, माहिती व तंत्रज्ञान अधिकारी उज्ज्वला गोडसे, मुख्य लिपिक सुनील माने, दिलीप वाघमोडे, योगिता जाधव, कुणाल डोळस, सूरज लखन, मंगेश पजई आदी उपस्थित होते.
---