एआय, ब्लॉक चेनमध्ये नवीन संधी ः प्रा. डॉ. सोनकांबळे

पिंपरी, ता. ३१ : ‘‘सर्वच क्षेत्रात ‘एआय’चा वापर होत आहे. त्यामुळे ‘एआय’ आणि ब्लॉक चेन यामधील नव्या संधी तरूणांना खुणावत आहेत.’’, असे मत पिंपरी चिंचवड एज्युकेशन ट्रस्टचे प्रा. डॉ राहुल सोनकांबळे यांनी व्यक्त केले.
सकाळ विद्या एज्युकेशन एक्स्पोमध्ये विद्यार्थ्यांना मार्गदर्शन करताना ते बोलत होते.
त्यांनी विद्यार्थ्यांना ‘एआय’ आणि ब्लॉक चेनमधील करिअर संधी, त्यांना मिळणारे पॅकेजेस याबाबत माहिती दिली. ‘एआय’मध्येही स्पेशलायझेशन असून देशासह विदेशात कोणकोणत्या कोर्सेसला विशेष महत्व आहे, याबाबत त्यांनी मार्गदर्शन केले. ‘एआय’ आणि ब्लॉक चेन या वेगवेगळ्या शाखा असल्या तरी या दोन्ही शााखा एकत्र करून सुरू झालेल्या कोर्सेसबाबत त्यांनी मागदर्शन केले. साधारण: दोन ते तीन वर्षांच्या अनुभवी विद्यार्थ्यांना नऊ ते अठरा लाखांपर्यंतचे पॅकेज मिळत आहे. यामधील स्किल्स आणि टूल्स यांचा वापर करून विद्यार्थी आपले करिअर उत्तमरीत्या घडवू शकतात. असेही त्यांनी नमूद केले.