मुसळधार पाऊस (फोटो फिचर)

शहर परिसरात सलग दुसऱ्या दिवशी म्हणजेच रविवारी देखील दुपारी साडेबारानंतर पावसाने अचानक जोरदार हजेरी लावली. त्याने जनजीवन विस्कळित झालेले पाहायला मिळाले. अनेक सखल भागांत अर्ध्या तासातच पाणी साचले. रस्त्यावर सर्वत्र पाणीच पाणी झालेले दिसून आले. रविवारची सुट्टी असल्याने अनेक नागरिक नवरात्रीच्या खरेदीसाठी तसेच इतर कामासाठी बाहेर पडले. त्यामुळे त्यांना दुकान, बस थांबे, पेट्रोल पंप, उड्डाणपूल, भुयारी मार्ग, झाडाखाली अशी जिथे जागा मिळेल तिथे थांबावे लागले. पिंपरी येथील ग्रेड सेपरेटरमधील खड्ड्यांमुळे वाहतूक संथगतीने सुरू राहिली. शंकरवाडीतील भुयारी मार्गामध्ये पाणी साचल्याने वाहन चालकांची वाहने चालवताना चांगलीच तारांबळ उडाली. त्याची ही चित्रमय झलक.