शमीम हुसेन फाउंडेशनकडून गुणवंत विद्यार्थ्यांचा सन्मान

पिंपरी, ता.१७ ः शमीम हुसेन सोशल एज्युकेशन फाउंडेशनच्या थेरगावातील यशवंतराव चव्हाण प्राथमिक उर्दू शाळेत गुणवंत विद्यार्थी व आदर्श शिक्षक यांचा सन्मान करण्यात आला.
शाळेच्या मुख्याध्यापिका शाहिदा सय्यद यांच्या सहकार्याने बालवाडी तसेच पहिली ते आठवीतील प्रथम आणि द्वितीय क्रमांक मिळविणाऱ्या विद्यार्थ्यांचा शालेय वस्तू भेट देत सन्मान करण्यात आला. आदर्श शिक्षकाचा पुरस्कार देण्यात आलेल्या उस्ताद बीबी हाजरा जंग बहादूर व नसरीन बानो मोहम्मद सुलतान यांचा सन्मान करण्यात आला. फाउंडेशनच्या अध्यक्ष शबनम सय्यद यांनी हा उपक्रम राबविला.
याप्रसंगी फाउंडेशनचे संस्थापक रफी हुसेन, सचिव शाहूल शेख, पदाधिकारी रमजान सय्यद, सहकारी आसिया इनामदार, फरदीन सय्यद, शिक्षक व पालक उपस्थित होते. सूत्रसंचालन गजाला सय्यद यांनी केले.