चिंचवडला वादातून मेहूण्याचा खून

पिंपरी, ता. २२ : चिंचवड येथील नागसेननगरमधील वस्तीत जुन्या वादातून सोमवारी (ता. २२) एकाने चार साथीदारांसह कोयत्याने वार करून मेहुण्याचा खून केला. वैभव थोरात (वय२५) असे मृताचे नाव आहे. या प्रकरणी पोलिसांनी मुख्य आरोपी योगेश गायकवाड (वय २५), अनिल बनसोडे (वय १९), महेश कोळी (वय १९) या तिघांसह त्यांच्या १६ वर्षीय अल्पवयीन साथीदाराला ताब्यात घेतले. योगेशवर गंभीर गुन्हे दाखल आहेत, अशी माहिती चिंचवड पोलिस ठाण्याचे वरिष्ठ निरीक्षक अंकुश बांगर यांनी दिली.
----------------------