शिक्षण, समाज सेवेबद्दल डॉ. वर्णेकर यांचा जागतिक सन्मान

पिंपरी, ता.२५ ः शिक्षण व समाज सेवा क्षेत्रातील उल्लेखनीय योगदानाबद्दल डॉ. धनंजय वर्णेकर यांना यूएन सर्टिफिकेट ऑफ वर्ल्ड रेकॉर्ड हा सन्मान प्रदान करण्यात आला.
केंब्रिज ग्रुप ऑफ स्कूल्स, केंब्रिज चॅम्प्स इंटरनॅशनल प्री-स्कूल्स, आयआयबीएम ग्रुप ऑफ इन्स्टिट्यूट्स, जेट इंडिया एव्हिएशन ॲण्ड हॉस्पिटॅलिटी मॅनेजमेंट इन्स्टिट्यूट तसेच वर्णेकर युनिव्हर्सल फाउंडेशन या संस्थांचे संस्थापक आणि अध्यक्ष म्हणून त्यांचे कार्य उल्लेखनीय आहे. डॉ. वर्णेकर यांनी गेल्या ३० वर्षांमध्ये शिक्षण क्षेत्रात नवकल्पना राबवून हजारो विद्यार्थ्यांना मार्गदर्शन केले आहे. त्यांनी महिला आणि बेरोजगार युवकांसाठी मोफत संगणक शिक्षण, रेल्वे कर्मचाऱ्यांसाठी आयटी प्रशिक्षण, ५०० हून अधिक गरजू विद्यार्थ्यांना शैक्षणिक साहाय्य आणि ७०० पेक्षा अधिक ज्येष्ठ नागरिकांसाठी विनामूल्य नेत्र शस्त्रक्रिया व रक्तदान शिबिरांचे आयोजन केले आहे. संयुक्त राष्ट्र संघटनेच्यावतीने मिळालेला हा सन्मान डॉ. वर्णेकर यांचे प्रेरणादायी कार्य आणि सामाजिक बांधिलकीचे प्रतीक आहे.