आजपासून शहरात श्वानांचे लसीकरण

पिंपरी, ता. २५ ः जागतिक रेबीज दिनानिमित्त (ता. २८ सप्टेंबर) महापालिका पशुवैद्यकीय विभाग आणि ‘मिशन रेबीज’ यांच्यातर्फे शुक्रवारपासून (ता. २६) तीन ऑक्टोबरपर्यंत रेबीज लसीकरण सप्ताह साजरा केला जाणार आहे. यात पाळीव श्वानांना पशुवैद्यकीय दवाखान्यांत (नेहरूनगर व निगडी प्राधिकरण) आणि भटक्या श्वानांचे श्वान पथकामार्फत मोफत लसीकरण केले जाणार आहे. तसेज, रेबीजबद्दल जनजागृती व रेबीज संसर्गजन्य रोगाचे मुळापासून निर्मुलन करण्याच्या उद्देशाने ही मोहीम राबविण्यात येत आहे. शुक्रवारी (ता. २६) मोशी, चिंचवडगाव, रावेत, पुनावळे येथे प्रतिनिधित्व स्वरूपात भटक्या श्वानांचे लसीकरण करण्यासाठी पथकांची नियुक्ती करून लसीकरण मोहीम सुरू करण्यात येत आहे. नागरिक, पशुपालक व प्राणीप्रेमींनी जास्तीत जास्त श्वानांचे लसीकरण करण्यासाठी सहकार्य करण्याचे आवाहन उपआयुक्त संदीप खोत यांनी केले आहे.
--