प्रज्ञाशोध सेवा समिती फाउंडेशनतर्फे गरजू विद्यार्थ्यांसाठी मदत

पिंपरी, ता. १ : प्रज्ञाशोध सेवा समिती फाउंडेशनने २०२५-२६ शैक्षणिक वर्षाकरता गरजू विद्यार्थ्यांसाठी आर्थिक मदत देऊ केली आहे. यासाठी विद्यार्थी किंवा त्यांच्या पालकांनी संपर्क साधण्याचे आवाहन प्रज्ञाशोध किशोर विंगळे यांनी केले आहे.
या शिष्यवृत्तीसाठी इयत्ता पाचवी ते पदवीधर विद्यार्थ्यांचा समावेश केला जाईल. शिष्यवृत्तीसाठी पात्र होण्यासाठी सर्वांत अलीकडील परीक्षेत किमान ८५ टक्के किंवा त्यावरील गुण आवश्यक आहेत. या आर्थिक मदतीमध्ये शैक्षणिक शुल्क, शैक्षणिक साहित्य, वसतिगृह शुल्क आणि जेवण खर्च यासाठी उपलब्ध निधीनुसार मदतीसाठी विचार केला जाईल. वार्षिक उत्पन्न दीड लाखांपर्यंत असलेल्या कुटुंबातील विद्यार्थ्यांचाच मदतीसाठी विचार केला जाईल, असे संस्थेतर्फे कळविण्यात आले आहे. अधिक माहितीसाठी pradnyashodh.foundation@gmail.com या ई-मेलवर संपर्क साधण्याचे आवाहन संस्थेतर्फे करण्यात आले आहे.