जुन्या भांडणातून अल्पवयीन मुलावर हल्ला

पिंपरी, ता. २७ : पिंपरी येथे जुन्या भांडणाच्‍या कारणावरून एका अल्‍पवयीन मुलावर कोयत्‍याने वार करीत प्राणघातक हल्ला केला.
या प्रकरणी सोळा वर्षीय मुलाने पिंपरी पोलिस ठाण्यात दिलेल्या फिर्यादीनुसार नरजीम शेख, विशाल गालफाडे, यश गायकवाड, सिद्धार्थ गालफाडे, यश रोकडे, अल्पवयीन मुलगा आणि त्यांच्यासोबत असलेल्या १२ ते १३ साथीदारांवर पोलिसांनी गुन्‍हा दाखल केला आहे. वाल्मीकी चौक व भाजी मंडई पार्किंग येथे दांडिया पाहण्यासाठी गेलेल्या मुलावर हल्ला केला. या दरम्यान आरोपींनी त्याला मारहाण करीत कोयता व रॉडने गंभीर जखमी केले. फिर्यादीने आरडाओरडा केला असता तेथे जमलेल्या नागरिकांना आरोपींनी धमकी देत हवेत कोयते फिरवून दहशत माजवली.